Македонската едиција на Википедија, популарната интернет енциклопедија, ја доби својата 10.000-та статија, со што македонската Википедија и официјално се вброи во категоријата на поактивни и поголеми јазични едиции на Википедија.
Македонската Википедија е организирано активна од почетокот на 2005 година и функционира на принципот „слободна енциклопедија”, што значи дека корисниците на енциклопедијата учествуваат во нејзиното создавање.
За бројката од 10.000 статии најзаслужна е колективната работа на дваесетина постојано активни корисници, како и над илјада регистрирани корисници од Македонија, но и од странство.