Австралиски научник тврди дека ако трендот на намалување на генот во хромозомот Y (ипсилон) продолжи, за пет милиони години „посилниот“ пол би можел да изчезне, но нуди и некои пооптимистични сценарија.
- Ако нивните гени се собираат и исчезнуваат, мажите полека изумираат, тврди професорката Џенифер Гревјс.
Во предавањето „Пропаста и исчезнувањето на хромозомот Y и иднината на мажите“, професорката Гревјс расправа за исчезнувањето на хромозомот Y и последиците за човештвото.
Таа, која ги истражува човечките полови хромозоми тврди дека машкиот хромозом Y изумира и оти би можел целосно да исчезне за пет милиони години.
Но професорката Гревјс смета дека мажите би можеле да го следат примерот на некои глодари кои и натаму успеваат да се размножуваат иако немаат витални гени кои го произведуваат хромозомот Y.
Заедно со тоа, Гревјс смета дека во иднината би можело да се појави и нов вид човечки суштества.
Хромозомот Y го има во себе генот SRY, кој влијае на развојот на тестисите и ги „пумпа“ машките хормони кои се заслужни за машките карактеристики.
- Луѓето можат да се размножуваат партеногенетски, како некои гуштери, бидејќи некои витални гени мораат да дојдат од мажите, вели таа.
- Но добрата вест е дека одредени видови глодари го немаат хромозомот Y ниту генот SRY, но и натаму се размножуваат. Некој друг ген ја презел неговата улога и би сакале да знаеме за кој ген се работи, вели Гревјс, професорка од Австралискиот национален универзитет во Канбера.