Најновите фотографии од „Dubai World“ направени од астронаутите во Меѓународната вселенска станица NASA покажаа дека вештачкиот остров тоне во морето. Овој проект замислен како реплика на светот во мало полека исчезнува. Рабовите на вештачките острови стануваат сé поневидливи и се појавија сериозни индикации дека овој „свет“ тоне во морето.
Кога во 2003 година започна овој проект, сите се надеваа дека познатите светски личности ќе започнат да купуваат земјиште и недвижнини на 300-те вештачки острови. Дури се шпекулираше дека Анџелина Џоли и Бред Пит ќе ја купат „државата“ Етиопија.
Меѓутоа, повеќе од очигледно е дека овој проект нема да биде завршен.
Работата на „Dubai World“ беше прекината минатата година, кога компанијата Dubai World побара одложено плаќање на долгот од 18,6 милијарди евра. Економската рецесија ги спречила многуте странски инвеститори, меѓу кои и Доналд Трамп, да ги вложат своите пари.
На фотографиите од NASA може да се забележи како островите се приближуваат еден кон друг и изгледа дека тонат.