Италијанецот Рафаеле Бенданди, кој починал во 1979 година, тврдел дека на 11 мај 2011 година Рим ќе го погоди катастрофален земјотрес, поради што жителите на централна Италија ги фати паника.
Предвидувањето на Бенданди е тема на многу италијански портали, блогови, за тоа се расправа и на социјалните мрежи, па дури и италијанската телевизија RAI се позанимава со оваа тема смирувајќи ги граѓаните.
Бенданди се родил во 1893 година, а весникот „Кориере дела сера“ уште во 1924 година го нарече „човекот кој предвидува земјотреси“, бидејќи го предвидел земјотресот кој на 2-ри јануари се случил во подрачјето на Јадранот. Земјотресот го најавил една година претходно.
Во текот на животот го сметале за шарлатан, а тој тврдел дека земјотресите се последица на движењето на планетата, Месечината и Сонцето и оти може да се предвидат.
Предвидел неколку земјотреси - 13-ти јануари во Авинцена, 11 степени според Меркалиевата скала, загинаа околу 30.000 лица; 6-ти мај 1976 година во Фриули, загинаа 1.000 лица; како и земјотресот на 2-ри јануари 1924 година во Сенегал.
Неговите предвидувања не биле 100 процентно точни - ги погодил местата, но го утнал датумот за ден-два.
Како што пишува страницата „Предиктионсфор 2012“, Бенданди предвидел дека големи земјотреси ќе се случат во 2011 и 2012 година.
Луѓето кои ги проучуваат неговите трудови тврдат дека во неговите документи не е наведено местото на кое ќе се случи, па имајќи предвиде дека годинава се случи страшниот земјотрес во Јапонија, веруваат оти Рим утре ќе остане неоштетен.
Други пак тврдат дека во неговите документи јасно стои оти на 11-ти мај 2011 силен земјотрес ќе го погоди Рим.
Многумина Италијанци се присетуваат на земјотресот во Аквилеја од 2009-та во кој загинаа 300 лица, а кој го предвидел италијанскиот научник Џоакино Џулијани.
Џулијани тогаш беше пријавен поради ширење паника, бидејќи ги предупредил граѓаните да се иселат од градот.