Krasniqi: Presim që serbët e Kosovës të dalin në zgjedhjePrishtinë, 6 dhjetor 2010 (MIA) - Ushtruesi i detyrës së presidentit të Kosovës, Jakup Krasniqi sot theksoi se i vjen keq nëse autoritetet serbe u kanë bërë thirrje serbëve të Kosovës të mos marrin pjesë në zgjedhje.
Siç citojnë mediat kosovare aii pas takimit me një delegacion të Rrjetit Evropian të Organizatave Evropiane për Monitorimin e Zgjedhjeve (ENEMO), duke iu përgjigjur pyetjeve të gazetarëve theksoi se megjithatë shpresojnë dhe presin që qytetarët serbë të Kosovës të shfrytëzojnë të drejtën e tyre për të dalë në zgjedhje.
"Ne na vjen keq nëse autoritetet serbe kanë bërë një ftesë të tillë. Megjithatë, ne shpresojmë dhe presim që qytetarët serbë të Kosovës të shfrytëzojnë të drejtën e tyre për të qenë pjesë e këtyre zgjedhjeve dhe për të qenë pjesë e proceseve demokratike në Kosovë, por edhe për të qenë pjesë e integruar e institucioneve në Kosovë dhe pjesë e jetës publike në përgjithësi", u shpreh Krasniqi. mp/hr/11:43
###
Normalizohet gjendja pas vërshimeve në Kroaci
Zagreb, 6 dhjetor 2010 (MIA) - Lumenjtë të cilët javën e kaluar ërshuan disa vende në Kroaci, dalngadalë po kthehen në shtretërit e vet.
Gjendja në Metkoviq, për shkak të nivelit më të madh të Neretvës në gjysmëshekullin e fundit janë vërshuar mbi 1.000 shtëpi, ndërsa uji në qendër të qytetit paraqet mbi 60 centimetra, ngadalë po normalizohet dhe hiqet gjndja e jashtëzakonshme.
Prefekti Stipe Gabriq vlerëson se dëmi do të paraqesë rreth 30 milionë kuna (më shumë se katër milionë euro) që është tre herë më shumë nga dëmet pas vërshimeve të janarit.
Në pejsët e qytetit ku akoma ka ujë, para së gjithash në bregun e djathtë të lumit, qytetarëve u ndahen produkte ushqimore dhe derivate.
Lumi Lika nuk është më në rritje, kështu që dëmi në fshatrat në rajonin e Kosinjsko Poles afër Gospiqit, bie në tre bodrume të vërshuara përderisa dy shtëpive u është çkyçur rryma, ndërkaq deri tek fshatrat në të cilat banojnë rreth 600 banorë, për shkak të rrugëve të vërshuara, arrihet me barka.
Bie edhe niveli i lumit Una afër Kostajnicës kroate, kështu që nuk ka rrezik për shtëpitë, ndërsa është normalizuar trafiku edhe në rrugët e qytetit. megjithatë, për shkak të vërshimeve, edhe mët ej është e mbyllur rruga shtetërore Kostajnica kroate-Dvor.
Niveli i ujit të Savës stagnon afër Jasenovcit, por edhe më tej vlejnë masat e jashtëzakonshme për mbrojtje nga vërshimet. ab/hr/11:51
###
Ish-ministri kroat i Mbrojtjes i dënuar në katër vite burg për korrupsion
Zagreb, 6 dhjetor 2010 (MIA) - Gjykata kroate sot e dënoi me katër vjet burg për korrupsion ish-ministrin e Mbrojtjes Bersillav Ronçeviq.
Ronçeviq në vitin 2004 e anuloi tenderin për blerjen e kamionëve për armatën dhe lidhi marrëveshje dirkete me furnizuesit për një shumë prej 120 milionë kunash (rreth 1.06 milionë dollarësh) që e tejkaloi çmimin e propozimit të fituesit të tenderit, publikuan mediat kroate.
Gjykimi elaborohet si shenjë e përkushtueshmërisë së Qeverisë kroate për luftën me korrupsionin në pajtim me kërkesat e BE-së. mp/hr/11:30
###
Teatri Kombëtar Shqiptar i Fëmijëve feston 60-vjetorin e tij
Tiranë, 6 dhjetor 2010 (MIA) - Krijimi i Teatrit të Kukullave në Tiranë, si datë historike njeh 6 dhjetorin, ditë ku u shfaq premiera e parë e mirëfilltë "Fatbardha", e shkrimtarit sovjetik Shnejdor.
Për të kujtuar këtë ditë të vitit 1950, drejtuesit e Teatrit Kombëtar të Fëmijëve kanë përgatitur disa aktivitete që nisin sot paradite dhe mbyllen në mbrëmje. Koncerte, ekspozitë, premierë, çmime, një program maratonë.
Historia e këtij teatri thotë se iniciatori i parë, si regjisor, për eksperimentimin e Teatrit të Kukullave, ishte Xhemal Broja, i cili mblodhi aktorët e parë si: Marta Burda, Eleni Plasari, Ana Kçira, Myftar Armiri, Avni Resuli, Tiftire Keta, Qenan Toro, Enver Dauti, Melpomeni Çobani etj.. Kukullat u përgatitën nga Ndoc Kodheli, dekoret nga piktori Rrok Dabërdaku dhe kostumet nga Veta Stillu.
Teatri i parë profesionist i Kukullave, ishte i përbërë vetëm nga 12 persona nga të cilët: një regjisor, një piktor për kukullat e skenat, pesë actor, një marangoz, një rrobaqepës, një elektricist, një makinist dhe një llogaritar. Shfaqja e kësaj pjese u dha në skenën e Kinema Republika, ku zhvilloi aktivitetin e tij Teatri i Kukullave që nga mbarimi i vitit 1950 dhe deri në vitin 1955. Puna ecën më tej, më 20 Mars 1951. Llazar Veria vë në skenë shfaqjen "Hirushja".
Kukullat dhe dekoret e gjithë këtyre që thamë më larte cila mund te quhet edhe faza e parë e këtij Teatri u realizuan dhe ideuan nga mjeshtri Ndoc Kodheli dhe skenografi Rustem Qenani.
Në vitin 1954 drejtimin artistik të Teatrit e merr regjisori Selman Vaqari deri në vitin 1964. Mbas këtyre viteve vjen regjisorja Lavdie Toro, e cila luan një rol të rëndësishëm të këtij Teatri.
Një peshë me rëndësi në vite ka dhënë skenografi Tonin Shiroka, Artist i Merituar, Libretisti Petraq Risto, skulptore Majlinda Frashëri, Romeo Çani dhe tani Merita Spahija, si dhe shumë bashkëpunëtorë të tjerë si: Kristo Çala, Alfred Trebicka, Ilir Dragovoja, Aurora & Klajd Ymeri, Adrian Hila, Sokol Marsi, Matlinda Mehmetaj, Vangjel Kozma etj.
Në Maj, 2003, Teatri i Kukullave shqiptar, mori statusin Kombëtar dhe në vitin 2005, emërtohet Teatri Kombëtar për Fëmijë. Kjo sallë përbëhet nga 160 vende dhe jep mbi 500 shfaqje në vit në të gjithë vendin. mp/hr/11:08
###
"Tre tenorët", rikthehen në edicionin e tetë për koncertin e fundvitit në Pallatin e Kongreseve
Tiranë, 6 dhjetor 2010 (MIA) - "Tre tenorët" rikthehen në edicionin e tetë për koncertin e fundvitit në Pallatin e Kongreseve në Tiranë, nesër në mbrëmje.
Organizatorët ia kushtojnë këtë koncert një ngjarje me rëndësi sipas tyre: rrugës të Shqipërisë drejt BE-së. Për këtë arsye është zgjeruar rrethi i pjesëmarrësve dhe numri "tre" ka mbetur simbolikë e koncerteve të mëparshme.
Orkestra Filarmonike e Akademisë së Arteve në drejtimin e dirigjenti italian Leonardo Quadrini, me drejtor orkestre Isak Shehun, shoqëron në koncert tenorët: Adrian Xhema, (Shqipëri), Francesco Zingariello (Itali), Sebastian Ferrada (Spanjë), dhe këngëtarët e ftuar Ramona Tullumani, soprano e sapokthyer nga një koncert për "lehtësimin e vizave" në selinë e OKB-së; tenori nga Kosova Ramë Lahaj, dhe pianisti Genc Tukiçi që jeton në Paris.
Drejtor artistik i koncertit është Ibrahim Madhi, regjisor Leonard Gjata, skenografia është nga Attivisimo Doravetti, producent e ideator Edmond Tullumani.
Koncerti hapet me "Dua më shumë Shqipërinë" që "rreshton" artistët, të huaj e shqiptarë në një emocion të përbashkët", thotë për gazetën "Shekulli" producenti Tullumani.
Në program janë Bellini me "Il Puritani", Cilea me "L'arleziana", Verdi me "Macbeth" dhe "Rigoleto", Gunoud me "Romeo dhe Zhuljeta", Puccini me "Toska" dhe "La Boheme" , Zarazabal me "No puede ser" etj..
"Ka qenë një kërkesë e publikut për të dëgjur më shumë arie nga tenorët. Prandaj kemi zgjedhur këto pjesë nga repertori klasik operistik", shpjegon Tullumani
Pianisti Genc Tukiçi vjen si i ftuar special. Ai ka përgatitur diçka të posaçme, me motive shqiptare të përshtatur për orkestër.
Por producenti ka përfshirë në program edhe një këngë të popit italian si "Insieme- Europe", hit i Toto Cutugno-s, që i përshtatet sloganit të pashkruar të edicionit të "Tre tenorëve". mp/hr/11:00
###
EULEX 10 për qind funksional
Prishtinë, 6 dhjetor 20120 (MIA) - Prokurorët e misionit të BE-së për sundim të ligjit, EULEX, brenda dy vjetëve të veprimit në Kosovë kanë arritur të finalizojnë vetëm 10 për qind të lëndëve sa kanë marrë në përgjegjësi.
Në dhjetor të vitit 2008, prokurorët e EULEX-it kanë marrë përsipër 561 dosje, ndërsa deri në nëntor të këtij viti, kanë arritur që të shqyrtojnë vetëm 58 aktakuza, kurse për rastet e mbetura vazhdon e njëjta sintagmë, "hetimet vazhdojnë", shkruan gazeta "Zëri".
Nga dinamika e deritashme del se EULEX-it i duhen së paku edhe nëntë vjet për t’i realizuar planet fillestare, ndërsa kur i shtohen viteve në vijim edhe lëndët e reja, atëherë prokurorët e EULEX-i mund të konsiderohet tepër të ngathët.
"EULEX në Kosovë ka vetëm 18 prokurorë, ndërsa duhet pasur parasysh fakti se prokurorët e këtij misioni kanë në duar rastet më të rënda", është shprehur zëdhënësi i EULEX-it, Blerim Krasniqi.
Prokurorët e misionit policor dhe gjyqësor të BE-së në Kosovës, sipas Krasniqit, përveç lëndëve të korrupsionit, kanë nën përgjegjësi edhe lëndë të tjera për vepra të paligjshme.
Përveç në 561 raste që janë hetuar, Krasniqi ka njoftuar se prokurorët e këtij misioni janë të involvuar edhe në 830 dosje të tjera, raste këto që janë duke i hetuar në bashkëpunim me prokurorët vendorë.
Sipas Krasniqit, nga numri i përgjithshëm prej 1391 rasteve ku EULEX ka qenë i përfshirë në këtë periudhë, 55 raste janë raste që kanë të bëjnë me krim të organizuar, derisa 91 raste të korrupsionit. mp/hr/10:24
###
"Proto tema": Greqia planifikon të shesë disa ishuj për të dalë nga kriza
Athinë, 6 dhjetor 2010 (MIA) - Greqia planifikon shitjen e ishujve me qëllim që të dalë nga kriza, kumtoi javorja greke "Proto tema".
Gazeta greke thekson se Ministritë e Financave, Infrastrukturës dhe e Kulturës kanë përpunuar listë të ishujve dhe aeroporteve që mund të ofrohen në tregun ndërkombëtar.
Duke iu referuar "burimeve qeveritare autentike" gazeta "Proto tema" cek se ishujt në listën për shitje nuk janë të lidhur me çështjet nacionaëe, ndërkaq me qëllim që Turqia të mos mundet të ankohet, ndodhen larg pjesës kontinentale.
Në mesin e ishujve për shitje janë Nafsika, Ligia dhe Ehinadi në Detin Jon, si dhe disa ishuj më të vegjël në afërsi të gadishullit Peloponez.
Me këtë plan, Qeveria ka për qëllim të sigurojë likuiditet prej 300 milionë eurove.
Ndërmjetës në shitje duhet të jetë kompania konsultante ndërkombëtare me seli në Londër, ndërsa interes të madh ppër ishujt grekë kanë shfaqur investuesit arabë dhe rusë.
Në planet e Qeverisë greke për shitje është kyçur edhe privatizimi i aeroporteve greke.
Realizimi i këtyre planeve është paraparë të fillojë vitin e ardhshëm. ab/hr/10:29
###
Shkodër,14130 hektarë nën ujë, mbërrijnë ndihmat nga Italia
Shkodër, 6 dhjetor 2010 (MIA) - Edhe pse kushtet e motit kanë shënuar përmirësim, nuk mund të thuhet e njëjta gjë për situatën në zonën e Shkodrës. Shifrat e Shtabit të Emergjencave të publikuara mbrëmë informonin shtim të sipërfaqes së tokës së përmbytur. Tashmë numërohen 14130 hektarë tokë dhe 2580 shtëpi të përmbytura.
Ndërkohë sipas mediave shqiptare kanë mbërritur sot në mëngjes në portin e Durrësit ndihmat e Italisë, për banorët e qarkut të Shkodrës të cilët prej ditësh jetojnë mes ujit. Rreth 5 kamionë me ndihma, me veshmbathje, dhe ushqime do të dërgohen drejt Shkodrës për banorët e izoluar nga uji. Në portin e Durrësit ishte i pranishëm dhe ambasadori i Italisë Sabah D`Elia. Ndihmat do të transportohen me anije dhe gomone nga porti i Shëngjinit drejt komunës së Velipojës, e cila është totalisht e izoluar dhe komunikimi me të mund të bëhet vetëm me anije apo me helikopter.
Banesat e rrethuara nga uji kanë shkuar në 4610 të tilla. Gjatë gjithë ditës së djeshme ka vijuar operacioni për evakuimin me helikopter të banorëve që ndodhen në zonat e izoluara nga uji. Po ashtu edhe shpërndarja e ndihmave për ata banorë që ende qëndrojnë në shtëpitë e tyre në zonat e izoluara dhe nuk pranojnë të evakuohen ka vijuar nga ajri, falë dhe ndihmës që vendet e NATO-s i kanë ofruar vendit tonë. mp/hr/10:15
###
Ende asnjë vendim nga NATO për ndihmë në Shqipëri
Tiranë, 6 dhjetor 2010 (MIA) - Nuk ka asnjë mbledhje apo vendim zyrtar të NATO-s që t’i përgjigjet kërkesës së qeverisë shqiptare për ndihmë në lidhje me tragjedinë humanitare që ka përfshirë Shqipërinë, pas përmbytjet në Veri, por edhe në Jug të vendit.
Sipas gazetës "Shqip" e cila u interesua dje në kancelarinë qendrore të NATO-s në Bruksel, ku ka kontaktuar me zyrën e shtypit, duke kërkuar një përgjigje zyrtare në lidhje me kërkesën e Shqipërisë,përfaqësuesit përgjegjës bënë të ditur se nuk ka pasur ende një vendim zyrtar apo mbledhje që të ketë vendosur për një ndihmë logjistike apo edhe monetare ndaj Shqipërisë.
Një zyrtar i zyrës së shtypit të NATO-s, deklaroi për gazetën se gjithçka pritet të ndodhë gjatë ditës së sotme kur ndoshta mund të mblidhet Këshilli i Ambasadorëve(organi drejtues) nën drejtimin e Sekretarit të Përgjithshëm të Aleancës së Atlantikut të Veriut, Anders Fog Rasmussen.
Ministri i Mbrojtjes së Shqipërisë, Arben Imami, kërkoi dy ditë më parë ndihmë nga NATO, kryesisht me mjete logjistike për të hyrë në zonën e Velipojës ku trupat shqiptare nuk e kishin këtë mundësi. Në fakt, është hera e parë që përgjigja e komunitetit ndërkombëtar ka qenë kaq e ngadaltë ndaj “SOS”-it shqiptar për të ndihmuar.
Nuk ka ndodhur kështu në krizat e kaluara humanitare, ku në fakt Europa apo vendet fqinje "rrezikoheshin" nga një vërshim eksodi ndaj shqiptarëve. Por këtë herë duket se kjo çështje nuk është më emergjente.mp/hr/10:03
###
Kryeprokurori i Tribunalit të Hagës do ta prezentojë raportin për bashkëpunimin e Serbisë
Nju-Jork, 6 dhjetor 2010 (MIA) - Kryeprokurori i Tribunalit të Hagës Serzh Bramerc do ta prezantojë sot para Këshillit të Sigurisë të Kombeve të Bashkuara raportin gjashtëmujor për bashkëpunimin e Serbisë me Tribunalin.
Bramerc për herë të fundit e ka vizituar Beogradin me 15 nëntor ku u takua me politikanë serbë dhe me anëtarë të ekipit, i cili është i angazhuar për gjetjen dhe arrestimin e ish-liderit ushtarak të serbëve të Bosnjës, Ratko Mlladiq, si dhe të Goran Haxhiqit.
Gjatë kësaj vizite Bramerc theksoi se zgjidhja e problemit është në duart e autoriteteve serbe, por për herë të parë nuk e përjashtoi mundësinë që Mlladiqi të gjendet jashtë kufijve të Serbisë. Politikanët serbë e bindën se do të vazhdojnë të bëjnë gjithçka që është në fuqinë e tyre për gjetjen dhe arrestimin e të arratisurve të Hagës.
Në raport Bramerc do të theksojë se Serbia i plotëson kërkesat e Tribunalit, por duhet që Beogradi qartë të angazhohet për gjetjen dhe arrestimin e personave, të cilët janë të akuzuar nga Gjykata e Hagës.
"Përpjekjet e Serbisë të zbulohen të arratisurit mbeten problematike. Ky është aspekti më kryesor i detyrimeve të Serbisë për bashkëpunimin me Prokurorinë", përmendet në raport.
Bramerc thekson se arrestimi i Mlladiqit dhe Haxhiqit ka një domethënie vendimtare për përfundimin e suksesshëm të mandatit të Prokurorisë së Hagës, për paqen në rajon dhe për vërtetimin e autoritetit të së drejtës ndërkombëtare. gj/mp/8:18
###
Thaçi: Nuk ka nevojë për ndërmjetësim të OKB-së
Prishtinë, 5 dhjetor 2010 (MIA) - Kryeministri në dorëheqje i Republikës së Kosovës, Hashim Thaçi ka thënë se Kosova është shtet i pavarur dhe nuk ka nevojë që dikush të jetë ndërmjetësues në bisedimet me Serbinë.
Ai i bëri këto komente, duke u përgjigjur në pyetjen lidhur me caktimin e shefit të UNMIK-ut, Lamberto Zanieri, si person kontakti të OKB-së në dialogun Prishtinë-Beograd.
Megjithatë, Thaçi nuk e ka përjashtuar rolin që duhet të kenë Brukseli dhe Uashingtoni në këto bisedime, ndërsa ka përsëritur se "me Serbinë do të bisedohet vetëm si dy shtete të pavarura dhe për interesat e qytetarëve të të dyja vendeve".
Një ditë më parë, në një intervistë për mediat serbe, Lamberto Zanieri ka thënë se sekretari i përgjithshëm i OKB-së Ban Ki Mun e kishte caktuar atë si dhe shefin e Zyrës së OKB-së në Beograd, Endrju Gilmor, si persona kontaktues të OKB-së në bisedimet Prishtinë-Beograd.
Kryeministri në dorëheqje, Hashim Thaçi po ashtu ka thënë se Kosova vendos vetë për politikat ekonomike, duke iu përgjigjur kështu kritikave të FMN-së për premtimet e Thaçit për rritje pagash.
Ai në një konferencë për gazetarë ka shpalosur sot një siç u quajt pako e re stimuluese për zhvillimin e qëndrueshëm ekonomik.
|