Teatri i Tetovës me shpërblim për regji më të mirë në Festivalin në PreshevëTetovë, 22 dhjetor (MIA) - Në fund të vitit Teatri i Tetovës u dekorua edhe me një shpërblim. Në Festivalin ndërkombëtar për dramë humoristike në Preshevë, Teatri i Tetovës mori pjesë me shfaqen "Hamleti në teatrin tonë" dhe fitoi shpërblim për regji më të mirë.
Drejtori i teatrit, Artan Skenderi ka shprehur kënaqësi nga pjesëmarrja në festival, duke theksuar se suksesi i realizuar është prodhim i punës së mundimshme i gjithë ekipit dhe profesionaliteti i aktorëve.
Krahas festivalit ndërkombëtar në Preshevë, Teatri i Tetovës këtë vit ka marrë pjesë edhe në festivale të ndryshme në vend dhe jashtë vendit. Pjesëmarrësit shpresojnë se me tempo të tillë do të vazhdojnë të punojnë edhe vitin e ardhshëm.
Aktori Muzafer Edrini thotë se çdo herë mund të arrihen rezultate më të mira dhe se për të realizuar shfaqe të suksesshme, me rëndësi është stimuli në punë.
|