Научници во САД развиле нов моќен систем за уредување на геноми кој би можел да понуди значително поголема прецизност и ефикасност во однос на сегашниот CRISPR стандард.
Додека CRISPR-Cas9 е револуционерна медицинска технологија за уредување на генетскиот код – вклучувајќи варијанти асоцирани со разни болести – тој има и недостатоци. На пример, многу од уредувањето со неа има потенцијал да вметнува грешки во форма на неконтролирано додавање или одземање во генетскиот код, наречени индели.
Истражувачите тврдат дека новиот систем наречен „prime editing” (главно уредување), измислен од научници од MIT и универзитетот Харвард, би можел тоа да го промени благодарение на нов протеин кој овозможува уредување на генетски цели со голема прецизност.
Основата на новата метода е ензимот наречен обратна транскриптаза. CRISPR системот исто така користи ензим (Cas9) за сечење на низите ДНК, за да може да се вметне алтернативен генески код.
Прецизноста на CRISPR системот бил унапредена во 2017-ма, кога биле овозможени промени на една буква бо базните ДНК парови, наместо заменување на цели линии код одеднаш, а сега, благодарение на новата метода која се користи во конјукција со Cas9, геномското уредување е унапредено уште еднаш.
Со неа, RNA наречена pegRNA ја води модифицираната ворма на Cas9 ензимот да отстрани само една низа ДНК, спречувајќи прекршување во двојните низи што може да индуцира ненамерни прекини. По ова, ензимот на обратна транскриптаза директно ја копира модифицираната генетска информација складирана во pegRNA до таргетираната геномска локација.
Флексибилност на новиов систем значи дека за прв пат, истражувачите ефективно ќе можат да заменат една ДНК „буква“ со друга, помеѓу хемикалиите аденин (А), цитозин (Ц), гуанин (Г), и тимит (Т) на сите 12 возможни начини.