Крвен тест за детектирање на меланом на окото

Истражувачите од Диамантина институтот при универзитетот на Квинсленд откриле маркери во крвта кои можат да разликуваат бенигна бемка (т.е невус) од меланом, а воедно и да идентификуваат дали канцерот се проширил во другите делови од телото.

Често пати кај оние со меланом во окото тој се проширува и на црниот дроб, а имајќи во предвид дека невусите на окото се вообичаени, овој тест би овозможил подобро испитување на пациентите за рани знаци на формирање на меланом.

За потребите на оваа студија, истражувачите земале примероци крв од луѓе или со бенигни невуси, или меланом на задниот дел од окото, како и од неколку случаи со метастази.

Тие примероци потоа биле тестирани спроти панел од микроРНА биомаркери за да се одреди фазата на болеста.

Со усовршување на овој тест, еден ден оптометристите при регуларни прегледи, штом откријат невус, би можеле да прават редовни крвни тестови за да ја следат нејзината состојба.

Исто така, тој би овозможил порана дијагноза на окуларни тумори, давајќи им на докторите повеќе време за реакција што би резултирало со подобар исход за пациентите.