Градинарството е добро за вас, покажа ново истражување кое откри дека може да ја подобри самопочитта, да ја смири нервозата и да ја намали депресијата. Истражувачите од универзитетите Вестминстер и Есекс испитуваа 270 градинари и луѓе кои не се занимаваат со градинарство со цел да ги опишат нивните чувства пред и по работењето.
Резултатите биле толку зачудувачки, па научниците советуваат дека локалните самоуправи треба да инвестираат во повеќе зелени површини, со што ќе им помогне на жителите да живеат поздраво. Само 30 минути неделно градинарска работа е сосема доволно за да се почувствуваат ефектите.
- Учесниците кои работат еднаш неделно искусуваат подобрување на самопочитта и подигнување на расположението исто како и оние кои работат подолги временски периоди, изјави д-р Карли Вуд, научник кој учествувал во студијата.
Научниците се согласуваат дека не можеме да имаме добра здравствена состојба ако немаме добра ментална состојба. Затоа практикувајте најмалку еднаш неделно да си работите во вашата градина или макар да се грижите за вашите цвеќиња, бидејќи тоа ќе ви биде од голема корист.