Тимот на НАСА од Лабораторијата за млазен погон (JPL) овозможи поглед на најновата верзија на роботот EELS сличен на змија (кратенка од Exobiology Extant Life Surveyor).
Видеото го покажува автономниот робот кој се лизга по различни типови на терени додека неговото движење е потпомогнато од неговиот повеќесегментен дизајн.
По три години поминати во развој и со повеќе прототипови, целта на тимот е да се направи робот кој е способен да се справи со секаков вид на терен кој што е недостапен за роботите на тркала, како што се Perseverance и Curiosity, кои моментално го истражуваат Марс.
-Тоа значи дека високо прилагодливиот робот треба да може да се справи со брановиден песок и мраз, ѕидови од карпи, кратери, подземни цевки од лава и лавиринтски простори во глечерите, велат од JPL.
Како што се движи, роботот создава 3Д мапа на околината користејќи четири пара на стерео камери и технологија слична на радарот, но наместо радио бранови распоредува кратки ласерски импулси. Собраните податоци потоа им овозможуваат на алгоритмите за навигација да го изработат најбезбедниот пат напред.
Најновата верзија на EELS тежи 100 килограми е долга 4 метри.