Невидливоста од секогаш ја интригирала човечката фантазија, а технолошкиот напредок последниве неколку години дел од овие фантазии ги има остварено.
Последната ваква технологија е наречена Quantum Stealth и е развиена од Hyperstealth, канадска компанија која дизајнира камуфлажен материјал. Новиот материјал е тенок како хартија, ефтин и не побарува енергетски извор за да функционира, а функционира со помош на лентикуларни леќи.
Материјалот може да превиткува светлина на начин на кој се видливи само работите кои се преблиску или предалеку од него, па така објект или личност кој стои зад него ќе биде невидлив гледан од одредена далечина.
Тој има способност да ја превиткува светлината од ултравиолетова во инфрацрвена, а бидејќи камерите со помала резолуција функционираат надвор од видливиот спектар на бои, ефектот на „невидливост“ станува поизразен кога материјалот се гледа преку нив.
Материјалот всушност ја дисторзира позадината, така што оние кои го гледаат знаат дека нешто има скриено зад него, но не можат да ги видат деталите од истото.