Анонимна приватна компанија нуди околу 116 300 евра за правата да користи нечие лице на нивните роботи.
Компанијата сака на тој начин да им дава лице на хуманоидните роботи кои ќе служат како „виртуелни пријатели“ на стари луѓе.
Проектот се развива веќе 5 години, роботите треба да почнат да се произведуваат идната година, а целта на компанијата е евентуално да се продуцираат „потенцијални илјадници верзии на роботите низ целиот свет“.
Освен ова, нема никакви други детали врзани за проектот. Како прво, не е познато името на дизајнерот или на компанијата, ниту на што сè ќе треба да се согласи сопственикот на лицето при препишување на правата за него, иако од Geomiq, лондонска инженерска компанија која помага во развивањето на овој проект, тврдат дека ќе споделат повеќе детали на кандидатите кои ќе влезат во следната фаза на проектот.
Сега засега, реакцијата на луѓето во врска со оваа понуда е скептична, бидејќи многумина се збунети зошто проектот не користи технологија за генерирање на лажни човечки лица. Иако сè уште е во фазата на зачеток, оваа технологија е способна за креирање на лажни фотореалистични лица кои луѓето не се способни да ги разликуваат од вистинските.