Милиони Британци за помалку од десет дена ќе бидат сведоци на мигот кога кралот Чарлс III ќе биде крунисан во Вестминстерската опатија.
До тогаш, најљубопитните можа да ја погледнат круната на Свети Едвард - или барем убедлива виртуелна реплика од неа.
Новото искуство создадено со помош на проширена реалност прикажува дигитален близнак на круната и го комбинира со вашата реална околина. Со помош на паметен телефон или таблет, можете да погледнете одблизу во златото, дијамантите и скапоцените камења на изработката од 17 век.
Вистинската круна на Свети Едвард, е направена пред повеќе од 360 години за крунисувањето на Чарлс II. Со дозвола од кралското семејство, британската продукциска компанија Атлантик продукција успеа да сними дигитален близнак од круната во размер 1:1.
-Очите на светот ќе бидат вперени во Лондон за крунисувањето на Чарлс III. Кралското семејство дозволи објект централен за крунисувањето да биде доставен преку проширена реалност во секој дом што има пристап до паметен телефон или таблет, изјави Ентони Гефен, извршен директор и креативен директор на Атлантик продукција.
За да го активираат искуството, кралските обожаватели треба само да ја посетат оваа веб-страница на паметен телефон и да ја постават круната на „несјајна површина“.
Доколку пристапуваат од лаптоп или таблет, повторно треба да ја посетат истата веб-страница и да го скенираат QR-кодот со паметен телефон.