Идната година Олимписки игри за роботи

Кина во многу блиска иднина ќе стане домаќин на првите Олимписки игри за работи. Меѓународниот спортски настан ќе се одржи во градот Харбин во 2010 година, каде роботи во хуманоиден облик ќе се натпреваруваат низ шеснаесет различни дисциплини, од кои некои ќе потсетуваат на атлетските дисциплини од „вистинските“ игри.

Настапот ќе биде достапен само за роботите кои со својот изглед наликуваат на луѓето, односно ќе се натпреваруваат само оние со механички раце и нозе, никако со тркала.

Организаторот очекуваат повеќе од стотина универзитети од светот да учествуваат со свои натпреварувачи.

Професорот Хонг Ронгбинг од Харбиншкиот технолошки институт нагласи дека натпреварувањето е замислено со цел да се направат флексибилни роботи кои би биле на услуга на луѓето.

Датумот на одржување на натпреварувањето уште не е познат бидејќи уште се собираат спонзори кои ќе ги покријат трошоците.