Компанијата која произведува антивирусен софтвер, McAfree Inc, ги предупредува корисниците да внимаваат кога ги пребаруваат имињата на своите омилени ѕвезди на интернет, бидејќи зад таа страница со такво име често пати се крие вирус.
Ако на интернет ги пребарувате Камерон Дијаз, Џулија Робертс или Џесика Бел, внимавајте.
Од компанијата предупредуваат дека споменатите филмски ѕвезди се најопасни за пребарување по пат на интернет, бидејќи токму нивните имиња се поврзани со многу заразени интернет страници.
- Иако отворањето на непроверени интернет страници само по себе е несигурно, многу луѓе тоа го прават, па поради тоа нивните компјутери се заразуваат со вируси. Кога ќе ви се зарази компјутерот, хакерите ги крадат шифрите за интернет банкарство, e-mail шифрите и останатите приватни податоци, стои во соопштението од McAfree.
Според McAfree, најопасни за пребарување се ѕвездите како Жизел Бундшен, Бред Пит, Адријана Лима, Џенифер Лав Хјуит, Никол Кидман, Том Круз, Хајди Клум, Пенелопе Круз и Ана Пагин, пренесуваат американските медиуми.