Facebook инженерот Пол Батлер го интересирало како пријателствата на Facebook влијаат на географските и политичките граници, па поради тоа одлучил меѓусебната врска да ја визуализира на карта. Тој не се надевал дека така ќе ја добие картата на светот.
Користејќи ги компјутерските податоци за местото на живеење на 10 милиони активни корисници на Facebook, Батлер доби одлична мапа на светот. Секоја линија претставува врска помеѓу пријателите.
- По обработката на податоците довив неверојатна дигитална мапа на светот, објави Батлер на својот блог.
Како што наведе инженерот секоја линија претставува пријателство создадено меѓу луѓето како и поврзувањето со нивните роднини кои живеат во странство или пак поврзувањето со старите школски пријатели кои животот ги однел на некоја друга страна од светот.
- Не само што се видливи континентите, туку очигледни се дури и меѓународните граници. Она што навистина ме фасцинира е фактот што овие линии не претставуваат реки, планини и политички граници, туку вистински човечки односи, истакна инженерот, а пренесува BBC.
Но, големи делови од светот едноставно „се исчезнати“, така да на картата ја нема Кина, ниту пак средишна Африка, односно земјите во кои Facebook е малку присутен.