Корисниците кои поставуваат линкови од сервисот Google Maps на своите веб сајтови во иднина ќе мораат да плаќаат за оваа услуга.
Google од 1-ви јануари 2012-та година ќе го наплатува користењето на своите мапи, во случај да веб страницата која го користи овој сервис има повеќе од 25.000 кликови во тек на денот, пренесува BBC.
Веб страниците, а особени туристичките агенции, го користат Google Maps.
Во извештаите се наведува дека Google ќе наплаќа 4 долари за секои 1.000 кликови преку ограничувањето, кое ќе биде 25.000 кликови. Google тврди дека овој лимит ќе погоди само 0,35 отсто од корисниците. Компанијата во соопштението наведува дека поединечни веб сајтови ќе мораат да преземат одредени акции.
- Поради големата употреба на нашите мапи неопходно е да се обезбеди долгорочната иднина на сервисот, за да остане одржлив, се наведува во соопштението од Google.
Ваквата одлука на компанијата следи откако последните интерни анализи покажаа дека високо профитабилни интернет страници заработуваат благодарение на нивниот бесплатен сервис. Сепак, Google Maps ќе остане бесплатен за обичните корисници.