Google знае да биде забавен и да има интересни додатоци на својот пребарувач, но ако на листата за пребарување впишете „do a barrel roll“, едноставно ќе се воодушевите.
Корисниците на Twitter едноставно не можат да престанат да пишуваат за тоа, а финтата која што Google ја понуди полека ја преземаат сите медиуми како Mashable и Huffington Post.
Ова е доказ дека во Google работат луѓе кои знаат како да не расположат.
На блогот на New York Times оценија дека Google со ова всушност се обидува да одговори на програмот Siri на новиот iPhone 4S, кој всушност ги слуша вашите наредби и ги исполнува.
Ако на Google тоа му била намерата, изгледа се на добар пат. Но, веќе слична работа веќе имаа направено Apple, само не со толку драматичен ефект. Ако во Google напишете „ascii art“, ќе забележите како значително се менува неговото лого.