Кинеската информатичка компанија SL (Shenzhen Lingyun) дојде до идеја да развие таблет компјутер во чест на неодамна починатиот коосновач на компанијата Apple, Стив Џобс.
Компјутерот наречен „комеморатив“ (Commemorative Steve Jobs Android Tablet) работи на оперативниот систем Android и има дизајн инспириран од мобилниот телефон на Apple, iPhone 4.
Уредот од седум инчи има само 512 мегабајти RAM меморија, четири гигабајти простор за складирање, APN – компјутерски протокол кој им овозможува на корисниците на компјутерот пристап на интернет со користење на мрежата на мобилната телефонија, како и безжични врски Bluetooth и WiFI.