Извршниот директор на Foxconn советуваше дека сите би требало да почекаме со купувањето на нов smart телефон додека да излезе iPhone 5, кој според него ќе го посрамоти Galaxy S3.
Иако на пазарот за smart телефони денес имаме доста напредни модели, сепак до крајот на годината не очекуваат нови Android и Windows телефони кои ќе ја зголемат конкуренцијата како и чудото на Apple, iPhone 5. Аналитичарите сметаат дека титулата за најдобар smart телефон во 2012-та ќе му припадне на новиот Galaxy или пак на iPhone.
- Иако официјално нема никакви информации за новиот iPhone, можам само да замислам со што ќе не изненади Apple. Мислам дека луѓето не треба да брзаат и да трошат пари за Galaxy S3, бидејќи на есен доаѓа iPhone 5, кој според мене ќе ги помести границите на smart телефоните, изјави Тери Гоу, директор на Foxconn, кој инаку е најголемиот произведувач на компоненти за уредите на Apple.