Познатиот актерски пар, прекрасната Моника Белучи (48) и шармантниот Винсент Касел (46) се разведуваат по 14 години брак, пренесува популарниот италијански магазин „Corriere“.
-Љубовта, која делува нераскинливо, се изгаснала по 14 години, на овој начин магазинот го почнува текстот кој ја изненади цела Европа. Италијанската убавица во моментов се наоѓа во Србија каде со Емир Костурица снима филм.
Фаталната бринета се омажи за Касел во 1999-та и со него има две деца. Како што пренесуваат италијанските медиуми, портпаролот на познатата актерка потврдил дека парот се разведува.
Инаку, Моника своевремено изјави дека не очекува сопругот да и биде верен на својата сопруга ако не се видат два месеца, бидејќи страста, како што објасни, може да се почувствува кон било која личност на планетата.