Дебели, ќелави, тетовирани, сето тоа е дозволено во агенцијата за грди модели на Марк Френч, кој идејата за ангажирање на не толку убави луѓе во разни реклами ја развил во навистина добар бизнис.
Френч имал оригинална идеја за отворање на агенција која ќе ангажира само грди модели и успеал во Велика Британија да направи вистински бизнис ангажирајќи само луѓе кои не се вклопуваат во тоа што се смета типичен манекенски изглед.
Не постои конкретен критериум колку моделот треба да биде грд, бидејќи Френч истакнува дека е многу поважно да го покажат својот карактер.
“Бараме се’, од екстремно слаби, дебели, превисоки и ниски. Никогаш не знам точно каков модел ми треба додека не влезе на врата, бидејќи најважно е каков им е карактерот.Нашите модели учествуваат во кампања за Келвин Клајн и фотографирани се за италијанскиот Вог, а бизнисот цвета“, вели Френч.
Интересно е дека меѓу ангажираните модели има луѓе со екстремни пирсинзи како Илејн Дејвидсон која на телото ги има преку 2.000 или пак тетоважи, а тие најчесто се појавуваат во филмови и ТВ реклами.
Еден од најпознатите модели на оваа агенција е момчето по име Дел, кој целиот живот бил исмеван поради изгледот. Тој е се’ само не типичен модел со својата ретка коса, големи уши и неверојатно лоши заби.