Жена (44) од Гватемала е уапсена на меѓународниот аеродром во Панама при обид да влезе во таа земја со повеќе од 31.000 долари во стомакот, соопшти синоќа панамската полиција.
Во соопштението се наведува дека жената, чиј идентитет не е откриен, е уапсена во понеделникот навечер откога поради своето „сомнително однесување“ била ставена на ренгенски преглед.
Во стомакот на жената се пронајдени 39 „ролнички“ пари, чија вредност полицијата засега ја проценува на 31.200 долари.
Се очекува „ролничките“ кои и преостанале во стомакот, уапсената жена да ги исфрли во болница во главниот град Панама, па потоа власите ќе можат да одредат колку точно пари нелегално се обидела да внесе во земјата.