Чекањето конечно е завршено! Крис Хемсфорт и Cheryl Boone Isaacs денес ги објавија номинациите за Оскар и од тоа што можеме да го видиме повеќето од фаворитите успеаја да влезат во трката за престижната златна статуетка.

„American Hustle“ и „Gravity“ се на врвот од листата со по 10 номинации за Оскар, а веднаш зад нив е остварувањето на Стив МекКвин „12 Years a Slave" со 9 номинации.
„Dallas Buyers Club" и „Captain Phillips" се номинирани во 6 категории, исто како и „Nebraska" кој претставува изненадување во трката за Оскар.
„The Wolf of Wall Street” доби 5 номинации и тоа во главните категории за најдобар филм, најдобра режија, главна и споредна машка улога и адаптирано сценарио.

Во категоријата за најдобра главна машка улога силите ќе си ги одмерат Кристијан Бејл, Леонардо ДиКаприо Брус Дерн, Џиефер Еџијофор и Метју Меконахи додека кај жените за Оскарот се номинирани Ејми Адамс , Сандра Булок, Кејт Бланшет, Џуди Денч и Мерил Стрип.
Доделувањето на Оскарите ќе се одржи на 2-ри март, а како водител на трочасовното шоу ќе биде познатата Елен Де Џенерис.

Најдобар филм:
„American Hustle”
„Captain Phillips”
„Dallas Buyers Club”
„Gravity”
„Her”
„Nebraska”
„Philomena”
„12 Years a Slave”
„The Wolf of Wall Street”

Најдобра режија:
Дејвид О. Расел за „American Hustle”
Алфонсо Куарон за „Gravity”
Александар Пејн за „Nebraska”
Стив МекКвин за „12 Years a Slave”
Мартин Скорсезе за „The Wolf of Wall Street”

Најдобра главна машка улога:
Кристијан Бејл за „American Hustle”
Леонардо ДиКаприо за „The Wolf of Wall Street”
Брус Дерн за Nebraska”
Џиефер Еџијофор за „12 Years a Slave“
Метју Меконахи за „Dallas Buyers Club”

Најдобра главна женска улога:
Ејми Адамс за „American Hustle”
Сандра Булок за „Gravity”
Кејт Бланшет за „Blue Jasmine”
Џуди Денч за „Philomena”
Мерил Стрит за „August: Osage County”

Најдобра споредна машка улога:
Баркхад Абди за „Captain Phillips”
Бредли Купер за „American Hustle“
Мајкл Фасбендер за „12 Years a Slave”
Џона Хил за „The Wolf of Wall Street”
Џеред Лето за „Dallas Buyers Club”

Најдобра споредна женска улога:
Сели Хокинс за „Blue Jasmine”
Џенифер Лоренс за „American Hustle”
Лупита Нионг за „12 Years a Slave”
Џулија Робертс за „August: Osage County”
Џун Скуиб за „Nebraska”
Номинациите во преостанатите категории може да ги погледнете на следниот линк.