За младиот Лоби, трагичната смрт на неговата мајка е пресвртна точка во животот. Нивната заедничка љубов кон одгледувањето ружи од реткиот вид Rosa candida во стаклената градина во нивниот двор ќе го инспирира да ги напушти студиите и да отпатува во далечниот антички манастир за да ѝ го врати стариот сјај на величествената, но заборавена градина што се наоѓа таму.
Додека одново ја пресоздава градината под будното око на свештеникот филмофил, Лоби ќе го изненади посетата на Ана, речиси непознатата пријателка на негов пријател, со која, по една кратка авантура во градината на неговата мајка, ја има новородената ќерка Флора Сол. Грижејќи се за градината и за малото девојче, Лоби полека ги запознава различните улоги на еден возрасен маж.
„Стаклената градина“ е прекрасна приказна за искрената потрага по убавините на животот, трогателен потсетник дека секој од нас е способен да ги претвори малите нешта од секојдневниот живот во извонредни.
Романот е преведен на 28 јазици, а авторката се смета за најголемото книжевно откритие на Исланд.
„Стаклената градина“ е од неодамна достапна и на македонски јазик, во издание на издавачката куќа „Антолог“.
ИДИВИДИ во соработка со издавачката куќа „Антолог“ ќе додели примерок од романот „Стаклената градина“ од Ојдур Ава Олафсдотир на еден од вас по случаен избор.
Сè што треба да направите е во коментар на овој линк, кој е споделен на нашиот официјален Facebook профил, да го тагнете оној кому би му ја подариле оваа книга доколку ја освоите, а воедно и јавно да ја споделите оваа вест. Добитникот ќе биде објавен на 25-ти април, а книгата ќе може да ја подигне во Книжарницата „Антолог“ (веднаш до Гимназијата „Јосип Броз Тито“).