Го остава читателот без здив. Истовремено зачудува и засмејува.
Ова дело, опиено од мирисите на детските игри и на убавите спомени, ги опишува настаните поврзани со едно мешано германско-романско семејство што живее некаде близу градот Брашов во седумдесеттите години на XX век, видени и пренесени преку очите на едно шестгодишно дете.
Живеејќи помеѓу два различни менталитети, на германските Саси и на романските Олтенци, момченцето се обидува да ги опише и да ги разбере премрежињата низ кои минале неколку генерации од двете семејства, притоа опишувајќи ги парадоксите на различните идеологии, култури и религии конфронтирани на различни нивоа.
За него сите настани се само игри што ги играат, не само децата туку и возрасните, и тоа – во домот во кој живее, на улицата пред куќата, во маалото каде што го поминува времето.
Романот е добитник на престижната Награда за литература на Европската Унија за 2016 година.
ИДИВИДИ во соработка со издавачката куќа „Антолог“ ќе додели примерок од романот „Времиња на игра. Детство во Трансилванија“ од Клаудиу М. Флоријан на еден од вас по случаен избор.
Сè што треба да направите е во коментар на следниот линк, кој е споделен на нашиот официјален Facebook профил, да го тагнете оној кому би му ја подариле оваа книга доколку ја освоите, а воедно и јавно да ја споделите оваа вест. Добитникот ќе биде објавен во четврток (31-ви јануари), а книгата ќе може да ја подигне во Книжарницата „Антолог“ (веднаш до Гимназијата „Јосип Броз Тито“).