Коментарите со говор на омраза, што секојдневно ги читаме на интернет, се навистина загрижувачки. Инфлуенсерите со години се борат со овој проблем.
Македонски Телеком како нивни партнер во дигиталниот свет, создаде тоалетна хартија на која се испечатени најтоксичните коментари. Хартијата има една цел – да заврши во корпата за отпадоци.
Оваа хартија стана оружје и симбол против омразата на интернет, а инфлуенсерите веќе неколку денови активно споделуваат содржини со кои го креваат гласот против овој проблем.
Перспективниот музичар Young Dadi не остана рамнодушен:
Да го тргнеме хејтот од сајбер просторот и да го ставиме на место каде што навистина припаѓа 🧻 🗑️ Да направиме место за интернет без омраза 🥰
Познатиот актер Дритон Вејсели, исто така направи осврт:
Во време кога комплиментите се реткост, не дозволувај говорот на омраза на интернет да се шири.
#ЗаИнтернетБезОмраза
Кики Мукаетова е исто така дел од кампањата со кратка порака:
Стварно?! Ќе го кажеше истово ако не беше зад тастатурата?
Говор на омраза на интернет? 🗯️🤬💩
Има решение: 🧻🗑️
ДЈ Панчо пак во свој стил:
Редно време е интернет просторот да го направиме покреативно место без ширење на хејт и омраза, поготово за луѓе кои лично не ги познавате.❤️ #ЗаИнтернетБезОмраза
Но, тоа што е куриозитет во целата кампања е што наиде на голема поддршка од целата јавност, кои оставија илјадници коментари под овие видеа.