Саудиски милионер потрошил 136 илјади долари за шише шампањ во клуб во Дубаи. Менаџерот на клубот Давид Лескарет изјави дека Саудиецот купил шише шампањ од марката Луис Родерер Кристал.
Старото шише шампањско е само едно од вкупно трите шишиња преостанати во светот. Другите две се наоѓаат во Лондон и Њујорк.
Менаџерот Саудиецот го опиша како образован џентлмен, кој говори неколку јазици и кој на француски го нарачал шишето со шампањ.
Според весникот „Севн дејс“ пијалокот е произведен во француската област Шампањ во 1990 година. Тој е купен за 93 илјади долари на аукција, која ја организирала аукциската куќа „Кристис“.
Саудијците често пати патуваат во Дубаи во потрага по забава, бидејќи алкохолот е строго забранет во Саудиска Арабија.