Со раце влечел ајкула во длабоко и ги спасил децата

Британскиот турист Пол Маршалси стана голем херој откако се бореше со ајкула, долга два метри, за да ги спаси децата кои пливаа во морето.

Ајкулата допливала до плиткото, каде имало деца, а храбриот Пол, кога ги слушнал извиците „Ајкула, ајкула“, потрчал за да ги заштити капачите. И пришол на ајкулата, ја фатил за опашката и ја влечел кон длабокото со помош на уште еден маж.



Храбриот чин можел да биде кобен и за самиот Пол, кога животното во еден момент се свртело кон него и за малку ќе го гризнело.

Пол така и помогнал и на самата ајкула да не се насука во плиткото, а ги спасил и капачите. Подоцна изјавил дека постапил инстинктивно.

Знам дека тоа беше опасно, но беше преубаво. Мора да го почитувате тоа преубаво животно и да му помогнете. Подоцна сфатив дека тоа било особено опасно, но животното е нешто што Бог го создал и треба да му се помогне, изјави Маршалси.