Замислете дека сте искачени на висока зграда, излегувате на прозорецот и висите на самиот раб опасно флертувајќи со животот и смртта и сето тоа само поради фотографија.
Jun Ahn е егзибиционист во вистинска смисла на зборот. До сега ги има посетено највисоките згради во Сеул, Хонг Конг и Њујорк за да ги изготви своите бестрашни портрети, кои ги прави користејќи го тајмерот на својот фотоапарат.
-Луѓето често прашуваат дали сликите се вистински и дали на сите фотографии навистина сум јас, а не фотошоп. Се разбира дека ова не е безбедна ситуација. Но, секогаш се трудам на внимавам. Никогаш не сум била храбра. Станува збор за совладување на стравот, вели Ahn.
Нејзиното ексцентрично фотографирање започнало уште во 2008-ма година, а до сега била забележана само два пати додека се обидувала да ја направи саканата фотографија.
-Првиот пат една жена се ѕвереше во мене. Другиот пат една фамилија која правеше скара на покривот од другата зграда ме забележа. Но, изненадена сум од тоа колку малку луѓе погледнуваат нагоре кога одат по улица, додава оваа уметничка.
