Драги читатели, на FB страната на Анима Мунди, здружението за заштита на животните, објавено е следното известување:
„Во Вардариште има женка Кане Корсо оставена од сопствениците поради преселба во нов стан. Девојката која ни ги прати сликите ни кажува дека е во ужасни услови. Вработените во стационарот рекле дека е претажна и веруваат дека може и да почине од тага.
Ве молиме споделете ги сликите, кој е љубител на оваа раса да ја вдоми. Претажно е кога некој ќе си го фрли сопственото куче како да е непотребен предмет.“
Доколку меѓу вас има такви кои сакаат да си го пополнат домот со неограничена, топла и безусловна кучешка љубов, направете го тоа со посвојување, а не со купување на домашен миленик! Има толку немоќни и несреќни животинчиња, на кои можете да им дадете втора шанса за среќен живот, а верувајте дека вие со нив ќе бидете уште посреќни. Бидете хумани и направете добро дело!