Џејми Ли Кертис никогаш не се воздржува кога станува збор за ставовите околу стареењето, козметичките операции и можните трајни штетни последици од нив. Ѕвездата на „Ноќ на вештерките“ за „Today” говори за ботоксот, како и за мудроста што ја стекнала, особено откако наполни 60 години.
– Направив пластична операција. Ставив ботокс во главата. Дали ботоксот ја намалува големата брчка? Да. Но, тогаш изгледате како пластична фигура, изјави Кертис.
Советот што таа им го дава на своите ќерки Ени (35) и Руби (26) е – „Не си играјте со лицето“. Актерката и во минатото искрено зборуваше за тоа како пластичната хирургија можеби придонела за зависност од „Викодин“.
– Го направив тоа. Не функционираше. И сè што гледам е дека луѓето сега во својот живот се опседнуваат со тоа, вели Кертис.
Таа, исто така, постојано го истакнуваше своето несогласување за американскиот поим „против-стареење“.
– Долго време сум застапник на природната убавина, најмногу затоа што ги имав обидите и грешките во „другиот дел“. Инаку, го бранам и тоа – да не се „зае**ваме“ со своето лице… И, тој збор „против-стареење“… Што е тоа!? За што зборуваш!? Сите ќе остариме. Сите ќе умреме. Зошто сакаш да изгледаш 17 кога имаш 70 години? Јас сакам да изгледам 70-година кога ќе имам 70!, изјави таа во една прилика.