Шенoн Доерти официјално се согласила да го затвори процесот за развод со поранешниот сопруг, фотографот Курт Исвариенко, еден ден пред нејзината смрт.
Според судските документи на коишто се повикува таблоидот „People” актерката потпишала барање за откажување од брачната издршка на 12 јули, само еден ден пред да почине. Таа, исто така, се согласила на „стандардно или неоспорно раскинување“ на нивниот брак, што укажува дека двајцата меѓусебно ја финализирале постапката за развод надвор од судот.
Двете страни склучиле писмен договор во однос на нивниот имот и нивните брачни или домашни партнерски права. Оригиналот е доставен до судот, се вели во записите.
Исвариенко го потпишал документот следниот ден на 13 јули, истиот ден кога Доерти почина. Инаку, Шенон Доерти почина по девет години живот со рак на дојките. Таа имаше 53 години.