Доделувањето на SAG наградите на најдобрите ТВ и филмски продукции за 2025-та, привлече големо внимание кај јавноста, но овој пат поради изгледот на познатите ѕвезди.
Она што ги запали социјалните мрежи беа моментите на позирање пред фотографите, кога обожавателите забележаа дека некои од актерките се со значително подмладени и далеку послаби фигури од вообичаено.
Филмската индустрија е навлечена на популарниот лек за слабеење, Оземпик, а тоа е мошне воочливо кај силуетите на холивудските ѕвезди. Иако многу од нив тврдат дека нивиот нов изглед се должи на вежбање и строг режим на исхрана и повеќе од очигледно е дека под превезот на „здравиот животен стил“ се крие „магична“ супстанца.
Според познавачите на Оземпик и слични лекови, она што е специфично кај нивното користење, е губење на масните наслаги во горниот дел од телото, при што главата изгледа сразмерно поголема од телото.
