Како што веќе знаеме, оваа есен на хрватската телевизија RTL ќе започне да се емитува досега најсложената и најраскошната драмска серија, во која главната улога ја игра познатата македонска актерка Јелена Јованова. Како таа се снаоѓа во Загреб?
Филип Јурчиќ и згодната Македонка, Јелена се новиот актерски пар, но само за потребите за снимањето на новата драмска серија.
- Снимаме по 17, 18, 20 сцени на ден. Се оди некако брзо и тоа во дисциплина која навистина е добра, вели Јелена.
Секој ден на сет за Јелена е ново искуство и нова победа, а од колегите е воодушевена.
- Јас навистина се чувствувам како да сум влегла во нова фамилија и сум нивно дете и сите ме чуваат, сите пазат на мене. Дали јадам, дали нешто ми недостасува, како се снаоѓам со јазикот, па ако ми треба помош секако тука се да ми помогнат, додава актерката.
Нејзиниот најголем проблем, како што вели во интервјуто за RTL, покрај новата непозната средина било учењето на јазикот со колегите од сетот, а секојдневните грешки ја смееле до солзи.
- Nigdje drudje, хахаха... Додека тоа го изговорам. Најголем бисер мислам дека ми е trenutakataka… Вие сте многу комплицирани, отколку ние, вашите падежи се уште ми се шпанско село. Можам да ги набројам само тие што ги знам. Номинатив, генитив, датив, акузатив, вокатив, локатив, инструментал, вели Јелена.
Таа исто така вели дека Загреб е многу сличен во Скопје.
- Дубрава е убава. Загреб сè уште не го имам видено, хаха... Јадран Филм изгледа супер. Многу работа, чекам малку пауза во продукцијата за малку да го видам градот.
Вредната Јелена есента ќе ја помине меѓу Загреб и Скопје, поради улогата во претставата „Кој се плаши од Вирџинија Вулф".
- Најдов алтернатива за сите претстави, само за една не. Никој не сакаше да ме менува, и тоа секако импонира, но сега ќе морам да се враќа, изјави Јелена.
Како Јелена се снајде пред загребските камери ќе дознаеме наскоро.