Последната екранизација на култната класика за Снежана и 7-те џуџиња, поминува мошне лошо кај публиката. Филмот чија продукција изнесува околу 250 милиони долари, во моментот е во милионски загуби.
Според критиката, „Snow White“ на Дизни, со Рејчел Зеглер и Гал Гадот во главните улоги, несомнено е едно од најголемите филмски промашувања досега.
Публиката е толку незадоволна од филмот што ја бомбардираше страната на IMDb со негативни критики, по што од IMDb беа принудени да постават предупредување.
-Нашиот механизам за оценување откри невообичаена активност на гласање за овој наслов, велат од таму.
Во моментот филмот има оцена на корисници од 1,5 ѕвезди од 10, што го прави еден од филмовите со најниска оцена во историјата на страницата.
Kaj Rotten Tomatoes, ситуацијата е малку подобра, со оценка на критичарите од 40% и резултат од публика од 74%.
Од самиот почеток, филмот е предмет на контроверзии, особено оние кои што се однесуваат на Зеглер и Гадот. На многумина не им се допадна кастингот на Зеглер во филмот, ниту пак коментарите што ги направи за изворниот материјал од оригиналниот „Снежана и седумте џуџиња“ од 1937 година. Изведбата на Гадот во филмот, исто така, беше силно критикувана, заедно со општиот гнев насочен кон израелската актерка од пропалестинските демонстранти поради нејзината поддршка на Израел.