Të paktën 32 të vdekur në një aksident hekurudhor në Indi

Nju-Delhi, 22 janar 2017 (MIA) - Dhjetëra njerëz e kanë humbur jetën apo janë lënduar kur një tren ka dal nga binarët mëngjesin e sotëm në shtetin Andhra Pradesh të Indisë.
Zyrtarët informojnë se së paku 32 persona e kanë humbur jetën dhe 50 të tjerë janë lënduar, ndonëse numri i viktimave mund të rritet derisa po vazhdojnë operacionet e kërkim shpëtimit.
Treni ka qenë duke udhëtuar nga Jagdalpur për në Bhuvaneshaëar kur shtatë vagona kanë dal nga binarët, disa prej të cilëve duke e goditur një tren që bartte mallra dhe që udhëtonte paralel me të.
Sistemi i hekurudhave të Indisë, i treti më i madh në botë, përballet me shumë aksidente. Në nëntor, 146 persona janë mbytur gjatë një aksidenti të ngjashëm në afërsi të Kanpurit, duke u bërë aksidenti më vdekjeprurës në pesë vitet e fundit.