Tetëmbëdhjetë persona e humbën jetën në stuhi dhe tornado në SHBA

Nju-Jork, 23 janar 2017 (MIA) - Numri i viktimave nga stuhitë, tornadot dhe vërshimet të cilat i goditën pjesën jugore të SHBA-së, arriti 18 persona.
Autoritetet kumtuan se në shtetin Xhorxhia janë gjetur edhe disa trupa të njerëzve të vdekur, me çka numri i viktimave nga stuhia natyrore arriti 14. Katër persona e humbën jetën në shtetin Misisipi.
Guvernatori i Xhorxhisë, Nejtan Dil shpalli gjendje të jashtëzakonshme në disa qarqe, të cilat janë goditur më së shumti nga moti i keq. Gjendje e jashtëzakonshme është shpallur edhe në disa rajone të Misisipit.
Moti i keq i kaploi edhe shtetet Teksas, Alabama, Luiziana dhe Florida. Tani për tani aty nuk ka viktima.
Presidenti amerikan Donald Tramp premtoi ndihmë federale për shtetet Xhorxhia, Florida dhe Alabama.