140.bmp)
Shkup, 15 gusht 2014 (MIA) - Këtë të shtunë, FC Shkupi për kundërshtarë përballë do të ketë skuadrën e Euromilk-ut, ekip ky i cili në sezonin e kaluar luajti në Ligën e Parë të Maqedonisë. Duke pasur parasysh se këtë edicion Liga e Parë dhe e Dytë garojnë me nga 10-të ekipe, dhe shumica prej ekipeve nga Liga e Dytë synojnë kthimin në elitë, ndërsa kandidat kryesorë sivjet është FC Shkupi.
Xhiroja e parë që këto dy ekipe kanë luajtur ka treguar se janë ekipe me kualitet, "Shkupi" mundi "Dritën" në Çair, ndërsa "Euromilk"-u në fushë të saj ka barazuar me "Gostivarin".
Një nga bartësit e lojës te FC Shkupi Muharem Bajrami është shprehur me optimizëm për duelin e nesërm dhe mendon se edhe pse nuk do të jetë lehtë ndaj Euromilk-ut, nuk dyshon në fitoren e ekipit të tij.
"Të gjithë e dinë se këtë sezon ne kemi ambicie të mëdha, pra kërkojmë inkuadrim në Ligën e Parë, dhe kështu në të gjitha ndeshjet futemi për të marr maksimumin e pikëve. Atmosfera në klub para takimit të së shtunë është në nivelin e duhur. Po mendoj se takimi ndaj Euromilkut nuk do të jetë edhe aq i lehtë për ne, pasi siç e dimë shumica e lojtarëve që kanë qenë pjesë edhe në Ligën e Parë nuk janë larguar. Në nuk nënvlerësojmë ekipin e Euromilkut, po besoj se do të arrijmë të shënojmë fitore. Edhe pse në skuadër do të mungojnë Goran Maznov, nuk mendoj se do të jemi të dobët, pasi kemi Ardian Nuhiun i cili është në formë të mirë si dhe Goran Stankovskin. Po ashtu do të kemi përkrahjen e tifozëve tanë 'Shvercerat', të cilët gjithmonë janë pranë nesh. Besoj se sëbashku nga kjo përballje do të dalim fitues", tha mesfushori i "Shkupit", Muharem Bajrami.
FC Shkupi në këtë ndeshje pritet të jetë i kompletuar, në përjashtim të Goran Maznovit i cili edhe më tutje është duke u stërvitur me intensitet më të ulët, për të kaluar lëndimin e marrë gjatë përgatitjeve. "Shkupi" udhëton për në lagjen Maxhari në Shkup ku në ora 17:30 do të luajë ndeshjen e dytë të sezonit të ri me shpresë se do të mbetet lidere e tabelës me maksimumin e pikëve, theksohet në kumtesën e FC Shkupi.