ФФМ го казни тетовскиот тим само со 1.000 евра и без одземање на бодови или на победата во дуелот против Силекс.
Фудбалската федерација на Македонија само парично ќе ја казни Шкендија за случајот „младинец“. Имено, тетовскиот тим во првото коло со Силекс играла без играч под 21 година, што е задолжително според правилникот на ФФМ.
Шкендија ќе биде казнета само со 1.000 евра, а наводно немало основ за дополнителна санкција, со оглед дека случајот не бил пријавен од ниту една страна, односно од гостинскиот тим, во случајот Силекс.
Срамна одлука од страна на Федерацијата со оглед на фактот дека Шкендија го прекрши правилникот за натпреварување, а за тоа треба да следува санкција. На дуелот со Силекс тетовскиот тим немаше ниту еден играч со македонски пасош под 21 година. Иако се очекуваше барем одземање на победата, сепак, до тоа нема да дојде и Шкендија ќе треба само да ја „освежи“ касата на Фудбалската Федерација.
Во овој случај Шкендија треба да се заблагодари на Силекс затоа што кратовскиот тим не ја видел оваа грешка и не пријавил, а со тоа тетовци избегнаа поголеми санкции.