Тренерот на Аталанта, Џан Пјеро Гасперини ги пофали своите фудбалери за високата победа над Јувентус (4:0) во 28. коло од Серија А.
- Ова е фудбал. Некогаш губиш, некогаш победуваш. Мораме да запомниме дека Јувентус ги доби последните пет натпревари во Серија А, многу луѓе тешко можеа да го замислат денешниот резултат, но ние одигравме совршено. Можевме да постигнеме уште повеќе пред полувремето. По вториот гол, Јувентус ја загуби самодовербата и ние го искористивме тоа максимално, изјави Гасперини по натпреварот.
Аталанта по 28 натпревари има 58 бодови и е трета на табелата во Серија А.
Јувентус е на четвртото место со 52 бода.