Флик: Не размислуваме за тројна круна, сега сме фокусирани на БетисТренерот на Барселона, Ханс-Дитер Флик, даде одмерена оценка за шансите на клубот да ја освои тројната круна оваа сезона.
Германецот сака неговиот тим чекор по чекор да ги исполнува целите.
- Природно е да се сонува за трофеите во Шпанија (шампионатот и купот) и Лигата на шампионите, но сега е важно да се работи чекор по чекор. Прво закрепнување по реваншот во купот со Атлетико, па подготовка за Бетис. Следните недели ќе бидат тешки, но имаме фантастичен состав со кој клубот и навивачите можат да се гордеат, изјави Флик за „Marca“.
Во финалето на Купот на кралот, Барселона ќе се соочи со Реал Мадрид во Ел Класико, само осма таква средба во историјата на турнирот
Реал во куп-финалињата со каталонскиот клуб има четири победи, Барселона три пати беше поуспешна.
|