Претседателот на ФИФА, Џани Инфантино, изрази надеж дека Русија наскоро ќе може повторно да се приклучи на глобалниот фудбалски свет, бидејќи тоа би значело дека војната во Украина е завршена.
Руските клубови и репрезентации се суспендирани од натпреварувањата на ФИФА и УЕФА откако земјата ја нападна Украина во февруари 2022 година.
„Бидејќи мировните преговори се во тек во Украина, се надевам дека наскоро ќе можеме да се свртиме на следната страница, да ја вратиме Русија на фудбалската мапа, бидејќи тоа би значело дека сè е решено“, рече Инфантино на 49-тиот конгрес на УЕФА.
И првиот човек на УЕФА, Александар Чеферин ги повтори изјавите на Инфантино.
„Кога војната ќе заврши, Русија ќе биде повторно примена“, рече Чеферин на завршната прес-конференција на Конгресот на УЕФА.