Првата ѕвезда на тимот од Мадрид, Кристијано Роналдо инсистира на тоа дека тој не е единствениот играч кој може да ја поправи лошата форма на клубот во последно време.
Најскапиот фудбалер на светот поради повреда ги пропушти последните пет натпревари на својот клуб од кој Реал загуби три дуели а има само една победа. Притисокот над тренерот Мануел Пелегрини дополнително се засили поради поразот од третолигашот Алкоркон во Купот на Шпанија, а поради се наведено до сега, може да се дојде до заклучок дека Роналдо многу недостасува во мадридскиот тим.
Меѓутоа поранешниот играч на Манчестер Јунајтед смета дека Реал не е тим кој зависи само од еден играч и додава: "Не поминуваме низ добара период но јас не сум спасител. На играчите влијаат многу работи а не само неиграњето на еден играч. Ја сакам што побрзо да се вратам во тимот и да помогнам на своите соиграчи. Убеден сум дека работите ќе се поправат.
Катастрофи како онаа со Алкоркон секогаш се случуваат и нема потреба да се претерува со таа работа. Тоа е зад нас, го изгубивме натпреварот.
Никој не е среќен поради тоа, никој не го очекуваше тоа, но светот нема да застане поради поразот на Реал од 4:0. Во соблекувалната атмосферата беше многу тажна после поразот, но малку по малку се поправа".