Голманот на Лион, Хуго Лорис потврди дека може да го напушти клубот на крајот на сезоната.
Овој француски интернационалец е поврзуван со можен трансфер во Манчестер Јунајтед, бидејќи се повлекува легендата на клубот, Ван дер Сар.
Лорис изјави дека важно за него е да замине надвор од границите на Франција и да се развие како играч, но остана без зборови на тврдењата за заминувањето во Манчестер. "Манчестер Јунајтед? Тоа е одличен клуб, но не можам ништо повеќе да кажам. Ќе видиме што ќе се случи во текот на летото. Можеби ќе заминам во странство, но не знам каде. Тоа е важно за мене како професионалец и знам дека големите клубови се заинтересирани за мене. Чекам да видам што ќе се случи" изјави Лорис.
Јунајтед бара голман на сите страни, а најблиску до преселба на 'Олд Трафорд' се Пепе Реина, Давид Де Геа и Мартен Стекеленбург.