Шпанските медиуми на големо пишуваат за доаѓањето на Нејмар во Барселона, но засега без прецизен датум. Раководството на Каталонците веќе дало капар за да го добие младиот играч и на тимот на Сантос му има исплатено десет милиони евра со што практично ја добива стартната позиција.
Според изворите нa медиумите од Барселона, Нејмар би можел веќе следното лето да се пресели на Ноу Камп. Се случи ли некој друг тим да сака да го добие во своите редови, најверојатно, ќе треба да плати цело богатство бидејќи Каталонците имаат договор со кој десетте милиони би можеле да се удвојат. Станува збор за дел од договорот кој го регулира токму ова. Во случај друг тим да го земе Нејмар тогаш Сантос мора да и плати на Барса 20 милиони евра, што сигурно ќе биде и дополнително зголемување на големата сума која е потребна за да биде ангажиран играчот.
Затоа сите работи во моментов водат кон ангажирање на Нејмар во Барселона и веројатно е само прашање на време кога ќе се случи трансферот. И покрај тоа што Реал Мадрид до пред неколку месеци важеше како главен фаворит, изјавите на играчот говорат дека тој би можел да се пресели само во Барселона доколку дојде во Шпанија.