Натпреварот на сезоната во Примера се игра в недела на "Ноу Камп", а атмосферата полека почнува да се вжештува со тоа што и од двата табора се најавува триумф.
Кристијано Роландо и Лионел Меси се огласија со своите очекувања, а нивните коментари потврдуваат дека дуелот ќе биде екстра.
"Не размислуваме на реванш. Сакаме да победиме за да можеме да ја зголемиме разликата во однос на Реал на 11 поени. Ова е натпревар на кој може да се случи сe. Ова е сосема различен меч од другите така што мотивот ќе биде далеку поголем. Имавме тешка средба во ЛШ иако ја победивме Бенфика со 2:0. Очекувам да бидеме на потребното ниво и в недела и да дојдеме до добар резултат", вели Меси.
Неговиот најголем конкурент како за поединечните така и за тимските награди, Кристијано Роналдо исто така се надева на три бода на Ноу Камп.
"Сигурно е дека ќе биде премногу тешко на Ноу Камп. Сепак, ние сме убедени во нашите квалитети и убедени сме дека имаме сили за да постигнеме добар резултат на средбата против Барселона. Не сметам дека тоа што во Барселона нема неколку играчи од одбраната ќе биде предност за нас. Барса има многу квалитетни играчи кои ќе знаат да заменат и ќе биде многу тешко. Ние мораме да бидеме на високо ниво и се надевам дека и во недела ќе се радуваме како против Ајакс во Холандија", вели Роналдо.