Холандскиот стратег Луис ван Гал има добра репутација на дерби натпреварите. Во кариерата од вкупно 30 дерби натпревари има ефект од 17 победи, шест нерешени и седум порази, нешто што Мануел Пелегрини на спротивната страна треба да го загрижува.
Ван Гал има седум шампионски титули во три држави.
Како тренер на Ајакс од 1991 до 1997 година на 18 мечеви против Феенорд запиша 12 победи, четири нерешени и два порази. Има само еден пораз на Ел Класико. Како тренер на Барселона трипати триумфираше над Реал Мадрид вклучувајќи две фантастични победи од по 3:0 на Ноу Камп.
Во две сезони во Баерн Минхен, Ван Гал имаше делумен успех против Борусија Дортмунд (две победи и два порази). Двете победи ги запиша во сезоната 2009/10 кога Баерн стигна до тројна круна, додека двата порази кога Борусија Дортмунд победи во Бундес-лигата.
Ван Гал беше шампион на Холандија со АЗ но тимот од Алкмар нема традиционален ривал.
Искусниот холандски стручњак со Манчестер Јунајтед одигра реми против Челзи минатото коло, а сега првпат ќе седи на клупата на градското дерби.