Кошаркарот на Лос Анџелес лејкерс, Лука Дончиќ се осврна на победата над Минесота во вториот натпревар од првото коло на плејофот на НБА лигата.
Лејкерс рано утрото победија со 94:85 и израмнија на 1:1 во серијата прв до четири.
- Знаете, јас и Леброн сме лидери на тимот и мораме да ја создадеме вистинската атмосфера. Како што реков, патувањето во Минесота ќе биде војна. Навивачите таму само луди. Затоа, без разлика на се, не смееме да дозволиме да не фаќа паника. Мора да се држиме заедно. Ќе работиме на ова заедно со Леброн, рече кошаркарот на прес-конференција по дуелот со Тимбервулвс.
Дваесет и шестгодишниот Словенец мечот го заврши со дабл-дабл 31 поен и 12 скока.
Следниот натпревар меѓу екипите ќе се одигра на 26 април во Минесота.