Барем така најавуваат италијанските медиуми, а и самиот тренер на Наполи кој во последната негова изјава напоменува дека посакува на овој меч да обезбеди добар резултат за да може во реваншот да има полесна задача. Наполи гостува во Португалија, а Бенитез најавува дека оние играчи кои настапија во неделата на дербито против Рома, кое патем „наполитанците“ го добија со минимални 1:0 ќе добијат малку оддишка, а и од тактички причини има намера против Порто да извди искусен состав.
И двата моменти му одат во прилог на нашиот интернационалец кој против Рома влезе во 85. минута, а неговото искуство во случајов би било непроценливо. Конечно, Наполи е екипа која сеуште е во самиот врв на табелата во Италија има амбиции и следната сезона да излезе во Европа односно да игра Лига на Шампиони па затоа на шпанецот му е потребен свеж и натпреварувачки расположен тим се до крајот на шампионатот.